O obxectivo do xogo é contestar preguntas de seis temas diferentes (medio, animais, plantas, xente, varia e probas) para conseguir as pezas dun quebracabezas do termo municipal de Santiago de Compostela no menor tempo posible.

Terás que conseguir un total de 36 pezas, 6 por cada un dos temas das preguntas, que representan as 29 parroquias do municipio e os concellos limítrofes. Pero ollo, no caso de que xa acadaras as 6 pezas dunha temática e atines unha nova pregunta da mesma materia, só engadirás un acerto ao teu resultado, sen poder conseguir outro anaco do teu crebacabezas.

Como non hai límite de tempo para contestar as preguntas, se precisas facer algunha consulta podes mirar no nomenclátor da Xunta de Galicia, na web do proxecto Toponimia de Galicia ou no Xeoportal do Concello de Santiago de Compostela. Tamén podes descargar a unidade didáctica do xogo.